عندي اسئله ومش ملاقي اجوبه كافيه فيا ريت من الاعضاء الاجابه وبصراحه

صباح / مسا الخير على الجميع
عندي اسئله ومش ملاقي اجوبه كافيه
فيا ريت من الاعضاء الاجابه وبصراحه

هل الغيره القاتله هي مرض او ضعف في الشخصيه او عدم ثقه في الحبيب ؟
.................................................
هل فشلنا في الحب هو بسبب الاخرين وبحق انه نرمي فشلنا في الحب على الناس ونضع السبب عليهم في هاذ الفشل ؟
................................................

هل الحبيب او الحبيبه هو عبد مملوك النا ما بحقه يتصرف اي تصرف الا بعلمنا؟
...............................................
وهل بحقلنا انه نحيطه بكل تصرفاته ونعاتبه على كل تصرف ؟
..............................................
هل بحقلنا انه نوضع سياح حول الحبيب ونكتب عليه ممنوع الاقتراب ؟
.............................................
وهل نجاح الاخرين في تحقيق هدف معين هو فشل النا لعدم مقدرتنا على تحقيق هاذ الهدف ؟
...........................................
وهل هاذ الشي بعطينا الحق انه نهاجم اي شخص حقق هدف احنا ما قدرنا نحققه ؟

............................................

يا ريت اشوف من الجميع اجوبه صريحه
مع احترامي للجميع

هلاهلا بالغالي شووق منور حبيبي اتمنى لاتطيل الغياب

هل الغيره القاتله هي مرض او ضعف في الشخصيه او عدم ثقه في الحبيب ؟
والله اذا كانت الغيره زي ما حكيت انها غيرة قاتلة وزايدة عن حدها أكيد شي طبيعي حتكون مرض وضعف في الشخصيه حتى كمان عدم ثقه لكن لو كانت غيرة بالمعئول حتكون أحلى غيرة لأنو الغيرة ناتجة عن شدة الحب

هل فشلنا في الحب هو بسبب الاخرين وبحق انه نرمي فشلنا في الحب على الناس ونضع السبب عليهم في هاذ الفشل ؟
فشل اي انسان في اي موضوع هو من الانسان نفسه لانه هو صاحب العلائة مش الناس لكن ما بنكر انو أحيانا بكون للناس علائة في الفشل لكن نسبة الفشل الكبيرة بتكون من الانسان نفسه

هل الحبيب او الحبيبه هو عبد مملوك النا ما بحقه يتصرف اي تصرف الا بعلمنا؟
أكيد لا
الحب هو احترام متبادل بين الطرفين مو شي نملكه ونتحكم فيه متل ما بدناا

وهل بحقلنا انه نحيطه بكل تصرفاته ونعاتبه على كل تصرف ؟
يعني مو كثير واكيد اذا حصل شيء يستحئ العتب لازم منشان مايضل شيء بالقلب

والله انا لو علينا ما بعمل غير هيك لكن المنطق بؤوول غير هيك طبعا يعني مايحئلنا نعمل هيك لأن هو له حياته وشخصيته وعلاقاته ولازم نكبر عئلنا شوي ولا شوو

وهل نجاح الاخرين في تحقيق هدف معين هو فشل النا لعدم مقدرتنا على تحقيق هاذ الهدف ؟
لا هناا بختلف الشي
هنا كل شخص بيختلف عن الآخر بقدراته يعني ما في تشابه بين الشخص وآخر يعني أي نجاح لأي شخص طبعا مو فشل لئلناا طبعا هو يمكن بيئدر يحئئ هدفه لكن احنا لا فهالشي بيعتمد على القدرات
وهل هاذ الشي بعطينا الحق انه نهاجم اي شخص حقق هدف احنا ما قدرنا نحققه ؟
اكيد مايحئ لئلنا نهاجم اي شخص ناجح لانه ماتوصل له هو نتيجه عمله ونشاطه
واذا فكرنا وهاجمنا بنكون فتنا بمرحلة الحسد

ممم انا هاد رأيي
والله صعبة الأسئلة

يسلموو دياتك احساس غريب للأسئلة
دمت بود

مودتي,,

ههه
يسلمو على مرورك يا عصام شكرا والى الأمام

هل الغيره القاتله هي مرض او ضعف في الشخصيه او عدم ثقه في الحبيب ؟
الغيره القاتله مرض نفسي وازا ما عالجناه راح يحاول المريض يئذي نفسه ويئذي الانسان اللي بحبه
هل فشلنا في الحب هو بسبب الاخرين وبحق انه نرمي فشلنا في الحب على الناس ونضع السبب عليهم في هاذ الفشل ؟لا اكيد الفشل بالشخص نفسه لانه يمكن ما قدر يوصل الرساله اللي هو بدو اياها بشكل مزبوط عشان هيك صار الفشل
................................................

هل الحبيب او الحبيبه هو عبد مملوك النا ما بحقه يتصرف اي تصرف الا بعلمنا؟لا بالعكس ازا عملنا هيك راح ينخنق الحبيب من تصرفاتنا وراح يتحول الحب لكره
...............................................
وهل بحقلنا انه نحيطه بكل تصرفاته ونعاتبه على كل تصرف ؟لا مو كتير بس الغلط الكبير
..............................................
هل بحقلنا انه نوضع سياح حول الحبيب ونكتب عليه ممنوع الاقتراب ؟لا لانه متل ما حكيت هون ببدا الملل مما يؤدي بالعلاقه للفشل
.............................................
وهل نجاح الاخرين في تحقيق هدف معين هو فشل النا لعدم مقدرتنا على تحقيق هاذ الهدف ؟لا بالعكس كل انسان بالدنيا الو هدف محدد بالحياه وكل واحد حسب ما بيعمل للهدف هاد راح يوصل
...........................................
وهل هاذ الشي بعطينا الحق انه نهاجم اي شخص حقق هدف احنا ما قدرنا نحققه ؟
لا لازم نهاجم انفسنا لانه ما بذلنا كل جهدنا لحتى نوصل
مشكور على هالموضوع الحلو كتير وكمان بشكر اخ عصام على الاجابات المميزه

هههه اكيد
شكرا الك يا دمعة فلسطين على ردك الحلو