أجمل ما قيل في رثاء الام

( جاني خبر )
جاني خبر في غربتي قيل بركود *** صوب الرياض اسرع شدالرحالي
قلت السبب قالوا مريض وبه زود *** على فراشه طايح من ليالي
يبي يشوفك دامه اليوم موجود *** علك تشوفه لي وصلته سالي
حاولت اعرفه , قالوا الوقت محدود *** لا,لاتضيع وقتك اليوم غالي
رجعت فكري تايه الفكر شبه مفقود *** متخدر جسمي وفكري وبالي
ساعة دخلت وشفت انا البيت محشود ** بالناس كلن يزعج الصوت عالي
حتى الصغير اللي من ايام مولود *** يبكي ودمعه فوق الاوجاه سالي
نشدتهم وش صار بايامي السود *** منهو توفى , من فقدناه غالي
قالوا ترى امك يابن الاجواد في العود*** في العود مدفونه من اربع ليالي
جاها قضاها ويومها اليوم موعود *** والموت حق وكلنا للزوالي
من هرجهم حبل الحزن صار معقود *** في خافقي والموت وقته طرى لي
بغيت اجامل كل من كان موجود *** لكن حزني ترجم احوال بالي
انهل دمعي وانتثر فوق الخدود *** ساعة نظرت فراشها والعيالي
ياليتني في قبرها اليوم موجود *** وهي على الخد الوسيعه بدالي
لاشك حكم الرب ماعنه مردود *** امنت به ربي عليه اتكالي

كلام كتير رائع يسلمو واكيد ما في اغلى من الام

شكرا كتير يا لولو على ردك